Eftir skóla á föstudag kastaði ég nokkrum flíkum niður í tösku og brunaði af stað í Ulrich Orkubolta austur á Hérað.  ég vissi að geðheilsa mín yrði að vera í mjög góðu jafnvægi vegna þess að ég lagði upp í þessa ferð ein.  Byrjaði á því að verða með þeim óvinsælari í Norðurárdal þegar að ég stoppaði fyrsta stopp eftir að ég lagði í reisuna, það stopp var í Hreðarvatnsskála.  Tók þar bensín og nennti ekki að færa bílinn því ég ætlaði rétt að hoppa inn og kaupa mér eina TILBÚNA kalda samloku.  En svoleiðis varning selja þau ekki á Hreddanum, þannig að ég varð að bíða í smá stund eftir að kokkurinn væri búinn að útbúa handa mér samloku með skinku og osti.  ég hugsaði stanlaust á meðan ég var þarna inni hvort ég ætti ekki að hlaupa út og færa bílinn en komst alltaf að þeirri niðurstöðu að það tæki því ekki því ég væri við það að fá samlokuna mína.  Þegar að ég fæ hana svo í hendurnar rölti ég út um dyrnar og sé þá hvar nokkrir sveitapikkupsmenn standa og klóra sér, ekki svo kátir, í hausnum yfir Ulrich Orkubolta... ég spretti af stað, set bílinn í gang og færi hann en passa þó allan tímann og líta ekki framan í mennina.  Spurning hvort ég verði að kaupa mér annan bíl ef ég ætla að fá að vera hér í allavega eitt og hálft ár í viðbót.

Ég held ferð minni áfram, hlustandi á einhverja ægilega Nostalgíu diska sem að Katrín skrifaði þegar að ég var í 10. bekk.  Allt gert til að halda geðheilsunni í lagi. 
Næsta stopp var Blönduós, því ég keyrði framhjá þar sem ég gat pissað í Víðigerði.
Allavega, þetta er nú ekki frásögu færandi nema af því að í N1 skálanum á Blönduós voru svona 20 stelpur á aldrinum 12-13 ára (ég er samt ekkert svakalega góð í að giska á aldur en segjum það) að borða pizzu.  Ég skottast þarna inn og fer inn á klósett.  Á meðan að ég er á klósettinu koma inn 3-4 af þessum stelpum.  Ein til viðbóra kemur útaf klósettinu við hliðiná mér og segir við einhverja þeirra sem standa við vaskana:

stelpa 1: Nei, varst þú líka að hlanda?
stelpa 2: ha?? Hvað sagðiru? landa?
stelpa 1: hahaha... nei, ég sagði: varst þú líka að hlanda?
stelpa 2: já, hahah... ég skil... Stelpur! Vitiði samt hvað landi er?
stelpur: *vita beisiklí ekki hvernig þær eiga að svara þessu*
Stelpa 2: Landi er ólöglegur bjór sem er bruggaður á klósettsetum (innskot. Býst hér fastlega við að hún hafi verið að meina í klósettskálum)
Stelpur: oooooojjjj.... ertu ekki að grínast? oooojjjj....
Ein stelpa: Hvernig þá?
Stelpa 2: hann er settur ofan í klósettið og svo er pissað á hann...!!!
Stelpur: oooojjjj....
Stelpa 3: Maður getur líka gert hann heima hjá sér með því að setja hann í klósettsetuna!
Stelpur: oooooojjjjj....

Ég kem út af klósettinu að vöskunum og stelpurnar verða svo skelkaðar að annað eins hef ég ekki séð! Hlaupa út af klósettinu og ná ekki einu sinni að loka áður en þær deyyyja nota bene úr hlátri.  Þrátt fyrir það ein besta fræðsla sem ég hef fengið um landa.

þetta hélt mér hálfhlæjandi í nokkra klukkutíma held ég bara.



Þar sem fiskurinn og kjötið sem ratað hefur inn fyrir mínar varir síðastliðinn mánuðinn hafa verið í mjög takmörkuðu magni, getið þið kannski vel ímyndað ykkur hversu hamingjusöm ég var með það að vera að koma heim í Lagarfellið.  ég hafði hringt í pabba um hádegi, þegar að ég var að leggja af stað, og tilkynnt honum að ég yrði í kvöldmat.  Þegar að ég er að keyra Heiðarendann hringir hann svo í mig til að tilkynna mér það að það sé fínn matur út á flugvelli, því þar sé einhver ferðakynning.  Þann dag fékk ég því rækju og kjúklingaspjót ásamt snittum og rjómabollum í stað hins langþráða heimilismatar.
Föstudagskvöldinu eyddum við Freyja síðan í það að skreppa pínu á Nielsen, elta leigubíl, eftir það sjúkrabíl og loks löggubíl.  Fleiri bílar voru eiginlega ekki á svæðinu svo við fórum bara heim að horfa á mynd um himnatíki og helvíti og málverk eða eitthvað.....

Á laugardagsmorgun skrapp ég með bílinn minn í Dekkjahöllina að láta umfelga... keyri bílnum upp á lyftarann og drep á honum, ætla svo að stíga svona líka létt út úr honum en stíg á helvítis angann sem sveflast útum allar áttir (held það sé tjakkur), ligg þarna á lyftunni og ætla að nota vinstri höndina til að ýta mér upp en tylli henni þá á aftari angann og dett algjörlega kylliflöt.... í nýjum gallabuxum og pæjustígvélum.... þarna standa 5 karlmenn sem hlæja að mér í staðinn fyrir að svo mikið sem hjálpa mér á fætur....!!!
Þegar að ég fór svo að borga sagði Kristdór mér það að ég væri alls ekki sú fyrsta sem lenti í þessu svo ég ætti ekki að hafa neinar áhyggjur, hann lenti sjálfur í þessu reglulega.  Það varð til þess að græða sálarsárin að miklu leyti en marbletturinn á vinstri rasskinninni á mér lagaðist ekkert við þetta!

Restin af helginni var að mestu hrakfaralaus, ég fékk bæði fisk og lamb, hitti Möggu og Svandísi, Hjalta Jón, Öglu, Sigurveigu og fleiri góða.

Lagt var af stað til Borgarfjarðar síðri um kl.13 á sunnudag, þar sem ég var ekki lengur ein á ferð heldur hafði ein rauðhærð með krullur ákveðið að skella sér með til baka.  3 klst af ferðinni var eytt í "Hver er maðurinn?" þrátt fyrir að sjaldnast höfum við nú verið mennskar í leiknum.... persónur eins og Fagri Blakkur, Andrés Önd, Rafiki og fleiri góðir voru mun ofar í huga okkar.

Fín keyrslu helgi.... sannkallað Road Trip... reykjavík á morgun.